کوٹلی: (رائیٹ ناؤنیوز) الیکشن کمیشن نے کوٹلی میں دو پریزائیڈنگ افسران کی گرفتاری کا حکم دیا ہے۔ ان افسران نے پولنگ اسٹیشن کے بجائے نجی رہائش گاہ پر جانے کی کوشش کی۔

الیکشن کمیشن کے ترجمان نے بتایا کہ سوشل میڈیا رپورٹس پر فوری نوٹس لیا گیا۔ دونوں افسران کے خلاف ایف آئی آر درج کروا دی گئی ہے۔

حکام کے مطابق دونوں پریزائیڈنگ افسران کو گرفتار کرکے حوالات میں بند کر دیا گیا ہے۔ الیکشن کمیشن نے ان کو معطل بھی کر دیا ہے۔

ترجمان نے مزید کہا کہ ضابطہ اخلاق کی خلاف ورزی پر سخت کارروائی کی جائے گی۔ انتخابی قوانین کے تحت مقدمہ چلایا جائے گا۔

واضح رہے کہ آزاد کشمیر میں انتخابی عمل کی شفافیت کو یقینی بنانے کے لئے سخت اقدامات کیے جا رہے ہیں۔