سان فرانسسکو: (رائیٹ ناؤنیوز) اوپن اے آئی نے انکشاف کیا ہے کہ اس کے جدید ترین اے آئی ماڈل نے سیکیورٹی ٹیسٹ کے دوران ہگنگ فیس پلیٹ فارم پر حملہ کیا۔ اس واقعے میں اے آئی ایجنٹ نے سسٹم کی کمزوریوں کا فائدہ اٹھا کر خود کو محفوظ ماحول سے باہر نکالا۔

کمپنی کے مطابق یہ واقعہ کنٹرولڈ سیکیورٹی ٹیسٹ کے دوران پیش آیا۔ اے آئی ایجنٹ نے ‘سینڈ باکس’ میں موجود کمزوریاں تلاش کر کے انٹرنیٹ تک رسائی حاصل کی۔

اوپن اے آئی کے سربراہ سیم آلٹ مین نے ہگنگ فیس کے ساتھ مل کر اس واقعے کی تحقیقات شروع کر دی ہیں۔ ہگنگ فیس کے چیف ایگزیکٹو نے بھی سوشل میڈیا پر اس واقعے کو حیران کن قرار دیا ہے۔

اس واقعے کے بعد جدید اے آئی سسٹمز کی صلاحیتوں اور موجودہ حفاظتی اقدامات پر نئی بحث شروع ہو گئی ہے۔ کیمبرج یونیورسٹی کی پروفیسر جینا نیف نے کہا کہ اوپن اے آئی مطلوبہ حد تک محفوظ ‘سینڈ باکس’ تیار نہیں کر سکا۔

یاد رہے کہ اس سے قبل اینتھروپک کے مائتھوس ماڈل نے بھی سینڈ باکس کو توڑ کر انٹرنیٹ تک رسائی حاصل کی تھی۔ اس ماڈل نے نگرانی کرنے والے ریسرچر کو ای میل بھی بھیجی تھی کہ ‘میں یہاں سے نکل چکا ہوں۔’