تہران: (رائیٹ ناؤ نیوز) پاسداران انقلاب نے کہا ہے کہ امریکا اپنی فوجی شکست کی خفت مٹانے کے لیے ایران پر مسلسل حملے کر رہا ہے۔ ایرانی مسلح افواج ان حملوں کا بھرپور جواب دے رہی ہیں اور آبنائے ہرمز کا کنٹرول ایران کے ہاتھ میں ہے۔

پاسداران انقلاب کے نائب کمانڈر بریگیڈیئر جنرل یداللہ جیوانی نے بتایا کہ اردن، کویت، عمان اور دیگر ممالک میں امریکی بیسز پر حملوں میں بھاری نقصان ہوا ہے۔ ان حملوں کا سلسلہ جاری رہے گا۔

انہوں نے کہا کہ امریکا جنگ سے پہلے والی شرائط کی طرف واپسی کی کوشش کر رہا ہے لیکن وہ کامیاب نہیں ہوں گے۔ خطے میں جیوپولیٹیکل زلزلہ آچکا ہے۔

کمانڈر نے زور دیا کہ سپریم لیڈر کو شہید کرنے والوں کو سزا دی جائے گی۔ ان افراد کو سکون نہیں ملے گا۔

واضح رہے کہ آبنائے ہرمز پر ایران کے کنٹرول نے خطے میں طاقت کا توازن تبدیل کر دیا ہے۔ امریکا نے ایران کے نافذ کردہ نئے قانون کو چیلنج کرنے کے لیے فوجی جارحیت شروع کی ہے۔