لاہور: (رائیٹ ناؤنیوز) ڈاکٹر نبیحہ علی نے فیملی کورٹ میں خلع کے لیے درخواست دائر کردی ہے۔ انہوں نے شوہر پر بدسلوکی اور تشدد کے الزامات عائد کیے ہیں۔

تفصیلات کے مطابق، ڈاکٹر نبیحہ علی نے وکیل کی وساطت سے خلع کی درخواست جمع کرائی۔ ان کا کہنا ہے کہ شوہر حارث کھوکھر کا کردار درست نہیں ہے۔

عدالت میں ڈاکٹر نبیحہ نے کہا کہ شوہر انہیں گالیاں دیتے ہیں اور جانوروں کی طرح سلوک کرتے ہیں۔ انہوں نے ازدواجی زندگی سے علیحدگی کی خواہش ظاہر کی۔

عدالت سے درخواست کی گئی کہ فوری طور پر خلع کی ڈگری جاری کی جائے تاکہ وہ اپنی زندگی آزادانہ گزار سکیں۔

واضح رہے کہ خلع کی درخواست کے پیچھے شوہر کی جانب سے مبینہ تشدد اور بدسلوکی کے الزامات ہیں، جس پر عدالت غور کر رہی ہے۔