اسلام آباد: (رائیٹ ناؤنیوز) استحکام پاکستان پارٹی نے آزاد جموں و کشمیر میں اپنی تنظیمی قیادت کا اعلان کر دیا۔ سردار تنویر الیاس کو پارٹی کا صدر مقرر کیا گیا ہے۔

استحکام پاکستان پارٹی کے صدر عبدالعلیم خان نے سردار تنویر الیاس کی تقرری کی منظوری دی ہے۔ نثار عنصر ابدالی کو آزاد کشمیر کا جنرل سیکرٹری بنایا گیا ہے۔

عبدالعلیم خان کے دستخطوں سے دونوں تقرریوں کے نوٹیفکیشن جاری کر دیے گئے ہیں۔ پارٹی قیادت کے مطابق ان تقرریوں کا مقصد پارٹی کو مضبوط بنانا ہے۔

یہ تقرریاں آزاد کشمیر میں پارٹی کی عوامی رابطہ مہم کو وسعت دینے کے لیے کی گئی ہیں۔ پارٹی کی قیادت کا کہنا ہے کہ ترقی کا خواب پورا کریں گے۔

واضح رہے کہ استحکام پاکستان پارٹی میں شامل ہونے والوں میں سابق وزراء بھی شامل ہیں۔ عبدالعلیم خان نے کہا کہ سابق حکومتیں اپنے منشور پر عمل نہیں کر سکیں۔