وینزویلا: (رائیٹ ناؤ نیوز) وینزویلا میں حالیہ زلزلوں کے بعد ریسکیو کا عمل جاری ہے۔ دو دن قبل 7.2 اور 7.5 شدت کے زلزلوں نے ملک میں تباہی مچادی ہے۔

زلزلے کے نتیجے میں متعدد کمرشل اور رہائشی عمارتیں زمین بوس ہوگئیں، جبکہ مواصلاتی نظام کو شدید نقصان پہنچا ہے۔ ہلاکتوں کی تعداد 280 سے تجاوز کرگئی ہے۔

ریسکیو حکام کا کہنا ہے کہ مزید اموات کا خدشہ ہے کیونکہ متاثرین کی تعداد ایک لاکھ سے زائد ہوسکتی ہے۔ حکام نے احتیاطی تدابیر اختیار کرنے کی ہدایت دی ہے۔

زلزلے کے بعد سوشل میڈیا پر وینزویلا سے منسوب کر کے عمارتوں کے منہدم ہونے کی ویڈیوز وائرل ہوئیں، جو کہ غلط ثابت ہوئیں۔ تحقیقات کے مطابق ویڈیوز تائیوان زلزلے کی ہیں۔

واضح رہے کہ یہ ویڈیوز اصل میں تائیوان میں اپریل 2024 میں آنے والے زلزلے کی ہیں، جنہیں غلط معلومات کے تحت وینزویلا کا بتایا گیا۔