واشنگٹن: (رائیٹ ناؤ نیوز) امریکی نائب صدر جے ڈی وینس نے کہا ہے کہ امریکا اور ایران کے معاہدے کا متن جمعے تک ہر صورت جاری کردیا جائے گا۔ وائٹ ہاؤس معاہدے کی تفصیلات کو عوام کے سامنے لانے کی کوشش کر رہا ہے۔

امریکی نشریاتی ادارے سے گفتگو میں جے ڈی وینس نے بتایا کہ امریکی حکومت معاہدے کے اہم نکات عوامی سطح پر ظاہر کرنا چاہتی ہے۔ انہوں نے کہا کہ معاہدے کا متن جلد از جلد جاری کرنے کی کوشش کی جا رہی ہے۔

امریکی صدر ڈونلڈ ٹرمپ نے ایران کے ساتھ معاہدہ طے پانے کا اعلان کیا تھا۔ معاہدے کی تفصیلات کو باضابطہ طور پر جاری نہیں کیا گیا لیکن جمعے کو دستخطی تقریب متوقع ہے۔

واضح رہے کہ معاہدے کی تفصیلات میں تاخیر کی وجہ ثالثی کا کردار ادا کرنے والے پاکستان اور قطر کے نمائندوں کی درخواست ہے۔ وائٹ ہاؤس معاہدے کا متن جلد جاری کرنے پر زور دے رہا ہے۔

جے ڈی وینس نے کہا کہ معاہدے کے تحت ایران اقتصادی فوائد حاصل کر سکتا ہے۔ امریکا ایران کو ان مراعات سے فائدہ اٹھانے کا موقع دے رہا ہے تاکہ وہ جوہری ہتھیاروں کی دوڑ سے باز رہے۔