اسلام آباد: (رائیٹ ناؤ نیوز) وزیراعظم کے مشیر رانا ثنااللہ نے گلگت بلتستان کی حکومت سازی میں نمبر گیم میں تبدیلی کی امید ظاہر کی ہے۔ انہوں نے کہا ہے کہ 15 جون کو نمبر گیم کا حتمی نتیجہ سامنے آئے گا اور مزید 2 یا 3 نشستیں حاصل ہوسکتی ہیں۔

رانا ثنااللہ نے مزید کہا کہ پیپلز پارٹی نے ان سے کوئی رابطہ نہیں کیا۔ پیپلزپارٹی کے ندیم افضل چن نے دعویٰ کیا ہے کہ انہیں مطلوبہ 3 نشستیں مل جائیں گی۔

پی ٹی آئی کے شہرام ترکئی نے کہا ہے کہ ان کی جماعت کا اپوزیشن میں رہنا بہتر ہے۔ گلگت بلتستان میں حکومت سازی کے لیے 17 نشستوں کی سادہ اکثریت درکار ہے۔

یاد رہے کہ پیپلز پارٹی 10 نشستوں کے ساتھ سب سے آگے ہے جبکہ آزاد امیدوار 7 اور مسلم لیگ ن 6 نشستوں پر ہیں۔ پیپلز پارٹی کا مسلم لیگ ن کے بغیر حکومت بنانے کا امکان ہے۔

واضح رہے کہ 15 جون کو پانچ حلقوں کے 26 پولنگ اسٹیشنز پر ری پولنگ کے بعد حتمی نتائج کا انتظار ہے۔ اسحاق ڈار نے بلاول بھٹو کو پیپلز پارٹی کی کامیابی پر مبارک باد دی ہے۔