بیجنگ: (رائیٹ ناؤنیوز) پاکستان کے وزیراعظم شہباز شریف 23 سے 26 مئی تک چین کا سرکاری دورہ کریں گے۔ چینی وزارت خارجہ نے یہ اعلان کیا ہے۔

وزیراعظم کے دورے کے دوران دونوں ممالک کے درمیان دوطرفہ تعلقات اور اقتصادی تعاون پر تفصیلی بات چیت متوقع ہے۔ علاقائی صورتحال بھی زیر غور آئے گی۔

اس دورے میں پاک چین تعاون کے مختلف پہلوؤں کا جائزہ لیا جائے گا اور باہمی تعلقات کو مزید مضبوط بنانے پر زور دیا جائے گا۔

پاکستان کے وزیر خارجہ اسحاق ڈار نے بھی حالیہ دورہ چین میں اہم سفارتی اور اقتصادی امور پر گفتگو کی تھی۔

واضح رہے کہ پاکستان اور چین کے درمیان قریبی تعلقات ہیں جو اقتصادی اور سفارتی میدانوں میں اہمیت رکھتے ہیں۔