واشنگٹن: (رائیٹ ناؤ نیوز) امریکی صدر ڈونلڈ ٹرمپ نے انکشاف کیا ہے کہ ایران پر فیصلہ کن حملہ پاکستان کی نمایاں شخصیات کی درخواست پر روکا گیا۔ ان شخصیات کا ایران سے قریبی تعلق بتایا گیا ہے۔

صدر ٹرمپ نے ایک امریکی ٹی وی کو انٹرویو میں کہا کہ پاکستانی شخصیات نے ایران کے قریب ہونے کے ناطے حملہ روکنے کی درخواست کی۔ ان کا کہنا تھا کہ ہم ڈیل کرانے کا وعدہ کرتے ہیں۔

ٹرمپ نے ایران کے متعلق کہا کہ ہر بار ڈیل کے بعد ایسا محسوس ہوتا ہے جیسے بات چیت ہوئی ہی نہیں۔ ان کے مطابق ایران کے ساتھ کچھ مسئلہ ہے اور وہ پاگل ہیں۔

صدر ٹرمپ نے چین سے واپسی پر میڈیا سے بات کرتے ہوئے کہا کہ وہ جنگ بندی کے حق میں نہیں تھے لیکن دوسری قوموں کی درخواست پر جنگ بندی کی، جو پاکستان پر مہربانی تھی۔

واضح رہے کہ صدر ٹرمپ نے چین کے حالیہ دورے کو کامیاب اور تاریخی قرار دیا۔ انہوں نے کہا کہ چین کے ساتھ تجارتی معاہدے ہوئے ہیں اور بہترین تعلقات ہیں۔