بیجنگ: (رائیٹ ناؤ نیوز) امریکی صدر ڈونلڈ ٹرمپ اور چینی صدر شی جن پنگ کی بیجنگ میں دو گھنٹے طویل ملاقات اختتام پذیر ہوگئی ہے۔ ملاقات کے بعد دونوں رہنماؤں نے 600 سال پرانی تاریخی جگہ ‘ٹیمپل آف ہیون’ کا دورہ کیا۔

صدر ٹرمپ نے اس ملاقات کو بہترین قرار دیا ہے لیکن تائیوان کے معاملے پر سوالات کا جواب دینے سے انکار کیا ہے۔ امریکی خبر رساں ایجنسی کے مطابق، مذاکرات کے بارے میں مزید معلومات فراہم نہیں کی گئیں۔

تجزیہ کاروں کا کہنا ہے کہ ٹرمپ کا یہ رویہ حیران کن ہے۔ پروفیسر نک بسلے نے کہا کہ ٹرمپ چین کو ٹف ٹائم دینے کے بجائے تعلقات کو ترجیح دے رہے ہیں۔

واضح رہے کہ چین کے پاس نایاب معدنیات کی پروسیسنگ پر مکمل کنٹرول ہے، جو امریکا کے فوجی اثاثوں کے لیے ضروری ہیں۔ یہ چین کو مذاکرات میں برتری دیتا ہے۔

یاد رہے کہ صدر ٹرمپ اپنے ساتھ بڑی کمپنیوں کے وفود لائے ہیں تاکہ سرمایہ کاری اور مارکیٹ تک رسائی کے وعدے حاصل کر سکیں۔ چین کا بنیادی پیغام تعاون کی اہمیت پر زور دینا ہے۔