بیجنگ: (رائیٹ ناؤ نیوز) امریکی صدر ڈونلڈ ٹرمپ اور چینی صدر شی جن پنگ کی بیجنگ میں ملاقات ہوئی۔ صدر ٹرمپ نے امریکی میڈیا کو بتایا کہ ملاقات دو گھنٹے جاری رہی۔

ٹیمپل آف ہیون میں ہوئی اس ملاقات کے دوران دونوں رہنماؤں نے تصاویر بھی بنوائیں۔ ٹرمپ نے اس مقام کو بے حد خوبصورت قرار دیا۔

امریکی صدر نے چین کے قدیم مقامات کا دورہ کیا، جہاں چینی صدر بھی ان کے ہمراہ تھے۔ ملاقات کے دوران تائیوان کے مسئلے پر گفتگو نہیں ہوئی۔

یہ ملاقات دونوں ممالک کے تعلقات کے تناظر میں اہم سمجھی جا رہی ہے۔ تاہم، مذاکرات کی تفصیلات میڈیا کو نہیں دی گئیں۔

یاد رہے کہ ٹیمپل آف ہیون وہ مقام ہے جہاں منگ اور چنگ سلطنتوں کے شہنشاہ قربانیاں پیش کرتے تھے۔