ابوظہبی: (رائیٹ ناؤنیوز) اسرائیلی وزیراعظم بنجمن نیتن یاہو نے خفیہ طور پر متحدہ عرب امارات کا دورہ کیا ہے۔ یہ دورہ ایران جنگ کے دوران کیا گیا اور اماراتی صدر شیخ محمد بن زاید سے ملاقات ہوئی۔

اسرائیلی دفتر سے جاری بیان میں بتایا گیا کہ آپریشن ‘رور آف دی لائن’ کے دوران ملاقات ہوئی۔ تاہم ملاقات کے ایجنڈے کی مکمل تفصیل فراہم نہیں کی گئی۔

بیان میں کہا گیا کہ یہ دورہ دونوں ملکوں کے تعلقات میں تاریخی پیش رفت کی علامت ہے۔ اس سے خطے میں سفارتی تعلقات کو مضبوط بنانے کی کوششیں جاری ہیں۔

یہ انکشاف ایسے وقت میں سامنے آیا ہے جب ایران، اسرائیل اور امریکہ کے درمیان کشیدگی بڑھ رہی ہے۔ خلیجی ممالک کی سفارتی پوزیشن اس جنگ میں اہمیت اختیار کر چکی ہے۔

واضح رہے کہ متحدہ عرب امارات نے 2020 میں اسرائیل کے ساتھ تعلقات معمول پر لائے تھے۔ نیا خفیہ دورہ خطے کی سفارتی صف بندی میں اہم تبدیلی کو ظاہر کرتا ہے۔