لندن: (رائیٹ ناوٴ نیوز) 46 ویں لندن میراتھون میں دو کھلاڑیوں نے تاریخ میں پہلی بار 2 گھنٹے سے کم وقت میں میراتھون مکمل کی۔ کینیا کے سباسٹین ساوے نے ایک گھنٹے 59 منٹ اور 30 سیکنڈز میں ورلڈ ریکارڈ قائم کیا۔

ایتھیوپیا کے یومیف کجیلچا نے ایک گھنٹے 59 منٹ 41 سیکنڈز میں دوڑ مکمل کر کے دوسرا مقام حاصل کیا۔ ان کی کارکردگی نے بھی میراتھون کی تاریخ میں نیا باب رقم کیا۔

حکام نے بتایا کہ یہ کامیابی عالمی میراتھون مقابلوں میں ایک سنگ میل ہے۔ دونوں کھلاڑیوں کی کارکردگی نے دنیا بھر میں دھوم مچا دی۔

یہ نئی کامیابی اس لیے اہم ہے کیونکہ اس سے قبل کیلون کپٹن نے 2023 میں 2 گھنٹے 35 سیکنڈز میں ورلڈ ریکارڈ بنایا تھا۔ سباسٹین ساوے اور یومیف کجیلچا نے اس ریکارڈ کو توڑ دیا۔

واضح رہے کہ ماضی میں کپکوجی نے ایک غیر سرکاری دوڑ میں ایک گھنٹے 59 منٹ 40 سیکنڈز میں فاصلہ مکمل کیا تھا، جو اب تک قدر کی نگاہ سے دیکھا جاتا تھا۔