لندن: (رائیٹ ناوٴ نیوز) اتوار کو منعقدہ لندن میراتھون کے 46 ویں ایڈیشن میں پاکستانی رنرز نے اپنی شاندار کارکردگی سے سب کو متاثر کیا۔ پاکستانی کمیونٹی کے 30 سے زائد رنرز نے اس ایونٹ میں شرکت کی۔

برطانیہ میں مقیم عبداللہ محمد اطہر نے 2 گھنٹے 39 منٹ میں سب سے تیز پاکستانی رنر ہونے کا اعزاز حاصل کیا۔ ان کی کارکردگی کی خاصیت ان کی شاندار ریس حکمت عملی تھی۔

اطہر نے ریس کے آخری مراحل میں بھی رفتار کو کنٹرول کیا اور تقریباً 4:00 فی کلومیٹر کے ساتھ مضبوط اختتام کیا۔ ان کا کہنا تھا کہ دوڑنے سے زندگی میں نظم و ضبط اور ذہنی سکون ملتا ہے۔

کراچی کے امین مکاتی نے 2 گھنٹے 45 منٹ میں دوسری تیز ترین کارکردگی دکھائی۔ انہوں نے ریس کے اختتام تک رفتار کو برقرار رکھا، جو ان کی بڑی کامیابی تھی۔

واضح رہے کہ لندن میراتھون میں پاکستانی رنرز کی شرکت سے کھیلوں کا رجحان بڑھ رہا ہے۔ برطانیہ، امریکا اور دیگر ممالک میں مقیم پاکستانیوں نے بھی حصہ لیا۔