لندن: (رائیٹ ناوٴ نیوز) انگلینڈ کی ٹیسٹ ٹیم کے کپتان بین اسٹوکس نے ہیڈ کوچ برینڈن میک کولم کے ساتھ اختلافات کی خبروں کو بڑھا چڑھا کر پیش کیا جانے کا کہا ہے۔

انگلینڈ کرکٹ کی جانب سے اسٹوکس کے ساتھ انٹرویو کا تقریباً تین منٹ کا کلپ جاری کیا گیا ہے، جس کی مکمل گفتگو بدھ کو شائع کی جائے گی۔ اسٹوکس نے کہا کہ ان کے اور میک کولم کے درمیان مضبوط ہم آہنگی موجود ہے، لیکن آئندہ ان کو کچھ مختلف انداز میں مل کر کام کرنا ہوگا۔

ایشز سیریز میں 1-4 کی شکست کے دوران اسٹوکس اور میک کولم کے بیانات میں کچھ فرق دیکھا گیا۔ اسٹوکس نے کھلاڑیوں کو صبر کی تلقین کی جبکہ میک کولم کا خیال تھا کہ ٹیم کا جارحانہ انداز کامیابی کی وجہ تھا۔

انگلینڈ کے ڈائریکٹر کرکٹ روب کی نے بھی واضح کیا کہ دونوں کے درمیان تنازع نہیں ہوا۔ انگلینڈ اینڈ ویلز کرکٹ بورڈ کے جائزے کے بعد تینوں عہدیدار اپنے عہدوں پر برقرار رہیں گے۔

واضح رہے کہ اسٹوکس نے کہا کہ وہ اور میک کولم 95 فیصد معاملات پر متفق ہوتے ہیں اور باقی اختلافات باہمی گفتگو سے حل کرلیے جاتے ہیں۔ ان کے مطابق ٹیم کی بہتری دونوں کا مشترکہ مقصد ہے۔