بیرسٹر گوہر نے عمران خان کی دائیں آنکھ میں بیماری پر تشویش ظاہر کی ہے، کہا کہ اگر یہ درست ہے تو یہ سنگین مسئلہ ہے۔
اسلام آباد: (رائیٹ ناوٴ نیوز) چیئرمین پی ٹی آئی بیرسٹر گوہر علی خان نے عمران خان کی دائیں آنکھ میں بیماری کی تشخیص پر اظہار تشویش کیا ہے۔ انہوں نے کہا کہ اگر یہ معاملہ درست ہے تو یہ ایک سنجیدہ مسئلہ ہے۔
اڈیالہ جیل کے قریب میڈیا سے گفتگو کرتے ہوئے بیرسٹر گوہر نے کہا کہ پاکستان کی موجودہ صورتحال تشویشناک ہے اور سیاست میں ایک دوسرے کو اسپیس دینا ضروری ہے۔ انہوں نے زور دیا کہ فیملی ملاقاتوں پر سیاست نہیں ہونی چاہیے۔
گوہر خان نے مزید کہا کہ بانی پی ٹی آئی نے اچکزئی صاحب اور علامہ ناصر کو مینڈیٹ دیا ہے اور اب وہ فیصلہ کریں گے کہ کس کے ساتھ مذاکرات کرنے ہیں۔
بیرسٹر گوہر نے زور دیا کہ دہشت گردی کے مسئلے پر سیاست نہیں ہونی چاہیے اور تمام جماعتوں کو اس مسئلے پر ایک مؤقف اپنانا چاہیے۔
