چیئرمین پی سی بی محسن نقوی نے وزیر اعظم سے ٹی ٹوئنٹی ورلڈکپ 2026 میں شرکت کے حوالے سے مشاورت کی ہے۔ بھارت میں وائرس کے پھیلاؤ نے ورلڈکپ کے انعقاد کو خطرے میں ڈال دیا ہے۔
اسلام آباد: (رائیٹ ناوٴ نیوز) چیئرمین پی سی بی محسن نقوی نے ٹی ٹوئنٹی ورلڈکپ 2026 میں قومی ٹیم کی شرکت یا بائیکاٹ کے حوالے سے وزیر اعظم سے مشاورت کی ہے۔
محسن نقوی نے وزیر اعظم کی ہدایات کے تحت حتمی فیصلہ کرنے کا عندیہ دیا ہے۔ پاکستان ٹیم کے بھارت کے خلاف میچ کے بائیکاٹ کی تجویز بھی زیر غور ہے۔
بنگلادیش نے سیکیورٹی وجوہات کے باعث اپنی ٹیم کو بھارت نہ بھیجنے کا فیصلہ کیا تھا، جبکہ آئی سی سی نے اس کے مؤقف کو تسلیم نہ کرتے ہوئے اسکاٹ لینڈ کو شامل کرلیا۔
چیئرمین پی سی بی نے بنگلادیش کے مؤقف کی حمایت کی اور آئی سی سی کے دوہرے معیار کی مذمت کی۔
بھارت میں نیپا وائرس کے پھیلاؤ کے باعث ورلڈکپ کا انعقاد خطرے میں پڑ سکتا ہے۔ وائرس کی شدت میں اضافہ لاجسٹکس اور سیکیورٹی انتظامات پر بھی اثر ڈال سکتا ہے۔
