اسلام آباد: (رائیٹ ناؤنیوز) گاڑی چلانے کے دوران اگر پیٹرول کی سطح کم ہو جائے تو ڈیش بورڈ پر پیٹرول لائٹ روشن ہو جاتی ہے۔ یہ لائٹ ڈرائیور کو متنبہ کرتی ہے کہ گاڑی کا پیٹرول ختم ہونے والا ہے۔

ماہرین کا کہنا ہے کہ پیٹرول لائٹ روشن ہونے پر گاڑی مزید سفر کر سکتی ہے۔ چھوٹی گاڑیاں عموماً 20 سے 30 میل جبکہ بڑی گاڑیاں 50 میل تک جا سکتی ہیں۔

حالیہ تحقیق کے مطابق، پیٹرول لائٹ روشن ہونے پر گاڑیوں کی کارکردگی مختلف عوامل پر منحصر ہوتی ہے، جیسے ماڈل، پیٹرول مائلیج، اور ڈرائیونگ عادات۔

یہ جانکاری اس وقت اہم ہے جب قریب پیٹرول پمپ نہ ہو۔ سرد موسم اور خراب سڑکیں پیٹرول کی کھپت کو بڑھا سکتے ہیں، جس سے گاڑی کا سفر محدود ہو سکتا ہے۔

یاد رہے کہ پیٹرول لائٹ روشن ہونے پر فوری پیٹرول نہ ڈلوانے سے انجن کو نقصان ہوسکتا ہے، تاہم چند میل کا سفر نقصان دہ نہیں۔