اسلام آباد: (رائیٹ ناوٴ نیوز) وزیراعظم کے مشیر رانا ثنا اللہ نے کہا ہے کہ اپوزیشن کو وزیراعظم کی جانب سے مذاکرات کی پیشکش کو قبول کرنا چاہئے۔ یہ بیان پارلیمنٹ ہاؤس میں میڈیا سے گفتگو کے دوران دیا گیا۔

انہوں نے کہا کہ قائد ایوان اور قائد حزب اختلاف کے بغیر پارلیمنٹ کا کام ممکن نہیں۔ پہلی بار ایسا ہوا کہ دونوں کے درمیان رابطہ نہیں تھا۔

ایم کیو ایم کی جانب سے مشاورت میں شامل نہ کرنے کے سوال پر رانا ثنا اللہ نے بتایا کہ ایم کیو ایم نے وزیراعظم کا شکریہ ادا کیا تھا۔ اگر کوئی کوتاہی ہوئی ہے تو نظرثانی کی جائے گی۔ کراچی کے سانحے پر ہر پاکستانی کو افسوس ہے۔