اسلام آباد: (رائیٹ ناوٴ نیوز) سینیٹر فیصل واوڈا نے کہا ہے کہ یہ ابھی ابتدا ہے، آگے انتہا اور قیامت باقی ہے۔ انہوں نے ایکس سابق ٹوئٹر پر پیغام میں 9 مئی کے شواہد اور گواہی کا انتظار کرنے کی تاکید کی ہے۔

فیصل واوڈا نے کہا کہ اللہ رحم کرے، دسمبر کا مہینہ ہے اور سب کچھ واضح ہے، لیکن کچھ لوگ جان بوجھ کر نہیں مانتے۔ انہوں نے اپنے بیان میں زور دیا کہ وہ کئی سال سے خبردار کر رہے تھے، لیکن ان کی بات نہیں سنی گئی اور اب قانونی و دنیاوی واپسی ممکن نہیں رہی۔

فیصل واوڈا نے مزید کہا کہ تکبر اور زعم کی وجہ سے کچھ افراد اپنی تباہی کی طرف بڑھ رہے ہیں۔ انہوں نے ان لوگوں کو تنقید کا نشانہ بنایا جنہوں نے 9 مئی کی ویڈیوز بنائیں اور مزید تباہی کا اشارہ دیا۔