کراچی: (رائیٹ ناوٴ نیوز) وٹامن ڈی کو صحت کے لیے اہم سمجھا جاتا ہے کیونکہ یہ ہڈیوں، مدافعتی نظام اور مسلز کی بہتری میں مددگار ہوتا ہے۔ تاہم، اکثر افراد غذا یا سورج کی روشنی سے اس کی مناسب مقدار حاصل نہیں کر پاتے، جس کا حل سپلیمنٹس کی شکل میں موجود ہے۔

وٹامن ڈی سپلیمنٹس کا روزانہ استعمال خاص طور پر عمر رسیدہ افراد اور سورج کی روشنی میں کم وقت گزارنے والے لوگوں کے لیے فائدہ مند ثابت ہوتا ہے۔ یہ سپلیمنٹس ہڈیوں کی مضبوطی اور مدافعتی نظام کو تقویت دیتے ہیں۔

تحقیق سے معلوم ہوتا ہے کہ وٹامن ڈی کی کمی سے نظام تنفس کے امراض اور مسلز کی کمزوری کا خطرہ بڑھتا ہے۔ مناسب مقدار میں وٹامن ڈی کے استعمال سے میٹابولک اور دل کی شریانوں کی صحت میں بہتری آتی ہے۔

طبی ماہرین کے مطابق 70 سال سے کم عمر افراد کے لیے روزانہ 600 آئی یو اور 70 سال سے زائد عمر کے افراد کے لیے 800 آئی یو وٹامن ڈی کی مقدار محفوظ ہے۔ درمیانی عمر کی خواتین اور وٹامن ڈی کی کمی کے شکار افراد کے لیے ایک سے 2 ہزار آئی یو مقدار مثالی سمجھی جاتی ہے۔

یہ مضمون طبی جریدوں کی تفصیلات پر مبنی ہے، قارئین کو معالج سے مشورہ کرنا چاہیے۔