واشنگٹن: (رائیٹ ناوٴ نیوز) امریکی صحت حکام نے بلڈ پریشر کے مریضوں کے لیے استعمال ہونے والی دوا ‘زیئک’ کو مارکیٹ سے فوری واپس لینے کا اعلان کیا ہے۔ یہ فیصلہ دوا کے کچھ بیچز میں کراس کنٹیمنیشن کی موجودگی کے شبہ پر کیا گیا۔

امریکی فوڈ اینڈ ڈرگ ایڈمنسٹریشن کے مطابق، گلین مارک فارماسیوٹیکلز نے ابتدائی ٹیسٹ میں کولیسٹرول کم کرنے والی دوا ‘ایزٹیمائب’ کے ذرات کی موجودگی پائی۔ اس کے بعد دوا ‘زیئک’ کی ہنگامی واپسی کا فیصلہ کیا گیا۔

ماہرین کا کہنا ہے کہ اگرچہ ایزٹیمائب ایک مستند دوا ہے لیکن اس کی غیر ارادی موجودگی مریض کے ادویاتی شیڈول میں خلل ڈال سکتی ہے۔

ایف ڈی اے نے اس ریکال کو ‘کلاس تھری ریکال’ قرار دیتے ہوئے کہا ہے کہ یہ کم خطرے والی کیٹیگری میں شامل ہے، مگر محتاط رہتے ہوئے دوا کی واپسی ضروری سمجھی جاتی ہے۔

گلین مارک فارماسیوٹیکلز نے معاملے کی تحقیقات اور اضافی حفاظتی اقدامات کی یقین دہانی کرائی ہے۔