اسلام آباد: (رائیٹ ناؤ نیوز) آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے مالی سال 2025-26 کے نتائج جاری کر دیے ہیں، جن کے مطابق کمپنی کا بعد از ٹیکس منافع 242.37 ارب روپے تک پہنچ گیا ہے۔

ترجمان کمپنی نے بتایا ہے کہ مالی سال کے دوران او جی ڈی سی ایل کی سیلز آمدن 449.19 ارب روپے رہی۔ کمپنی نے قومی خزانے میں بھی نمایاں حصہ ڈالا ہے۔

ترجمان کے مطابق شیئر ہولڈرز کے لیے 6 روپے فی شیئر حتمی کیش ڈویڈنڈ کا اعلان کیا گیا ہے، جبکہ سالانہ ڈویڈنڈ 17 روپے فی شیئر دیا جائے گا۔

یہ نتائج ملکی معیشت کے لیے اہم ہیں کیونکہ او جی ڈی سی ایل نے 3.31 ارب ڈالر کا زرمبادلہ بچایا ہے اور 187 ارب روپے قومی خزانے میں جمع کرائے ہیں۔

یاد رہے کہ او جی ڈی سی ایل نے اس دوران تیل اور گیس کے 9 نئے ذخائر دریافت کیے ہیں، جبکہ یومیہ تیل اور گیس پیداوار میں بھی اضافہ ہوا ہے۔