اسلام آباد: (رائیٹ ناؤ نیوز) ملک میں مہنگائی کی رفتار میں مزید اضافہ دیکھا گیا ہے۔ مالی سال 2026-27 کے ستمبر کے پہلے ہفتے میں مہنگائی کی شرح 0.65 فیصد بڑھ گئی ہے۔

وفاقی ادارہ شماریات کے مطابق حالیہ ہفتے میں 17 اشیاء کی قیمتوں میں اضافہ ہوا ہے۔ 7 اشیاء کی قیمتیں کم ہوئیں جبکہ 27 کی قیمتیں مستحکم رہیں۔

چکن، پیاز، آلو، لہسن، سرسوں کے تیل، دال ماش اور پیٹرول کی قیمتوں میں اضافہ ہوا ہے۔ پیٹرول کی قیمت میں 0.90 فیصد اضافہ ریکارڈ کیا گیا ہے۔

اعداد و شمار کے مطابق چینی، گڑ، انڈے، دال چنا اور دال مونگ کی قیمتوں میں کمی ہوئی ہے۔ کیلے کی قیمت میں 2.54 فیصد کی نمایاں کمی دیکھی گئی ہے۔

یاد رہے کہ مہنگائی کی شرح میں اضافے کا اثر عام آدمی کی روزمرہ زندگی پر پڑ رہا ہے۔ حکومت کی جانب سے مہنگائی کو کنٹرول کرنے کی کوششیں جاری ہیں۔