دہلی میں شدید بارش کے باعث ایئرپورٹ پر پانی بھر گیا، پروازیں متاثر ہوئیں اور محکمہ موسمیات نے یلو الرٹ جاری کیا ہے۔
نئی دہلی: (رائیٹ ناؤ نیوز) شدید بارش کے نتیجے میں دہلی کا اندرا گاندھی انٹرنیشنل ایئرپورٹ تالاب بن گیا۔ مسافر پھنس گئے اور پروازیں متاثر ہوئیں۔ پانچ پروازوں کا رخ لکھنؤ ایئرپورٹ کی طرف موڑ دیا گیا۔
بارش کی شدت کے باعث ایئرپورٹ کی اطراف پانی بھر گیا، جس سے فضائی آپریشن متاثر ہوا۔ ایک مسافر نے بتایا کہ زندگی میں پہلی بار ایسا منظر دیکھا۔
بھارتی محکمہ موسمیات نے دہلی کے لیے یلو الرٹ جاری کیا، شہریوں کو محتاط رہنے کی ہدایت دی گئی۔ نشیبی علاقوں میں پانی جمع ہونے سے ٹریفک متاثر ہوسکتی ہے۔
یہ صورتحال دہلی کے دیگر علاقوں میں بھی دیکھی گئی جہاں پانی جمع ہونے کی اطلاعات ہیں۔ محکمہ موسمیات نے مزید بارش اور تیز ہواؤں کی پیشگوئی کی ہے۔
واضح رہے کہ دہلی میں بارش کے باعث پہلے بھی اس طرح کی صورتحال پیدا ہوچکی ہے۔ شہریوں کو سفر سے قبل ٹریفک اپ ڈیٹس چیک کرنے کی ہدایت دی گئی ہے۔
