کوئٹہ: (رائیٹ ناؤ نیوز) نامور پاکستانی اداکارہ مسکان ملک مالی مشکلات کی بنا پر سڑک کنارے دودھ کی بوتلیں فروخت کر رہی ہیں۔ وہ ماضی میں اپنی اداکاری سے ناظرین کے دل جیت چکی ہیں۔

مسکان ملک بے روزگاری اور معاشی مشکلات کی وجہ سے کوئٹہ کی سڑکوں پر دودھ کی ٹھنڈی بوتلیں بیچنے پر مجبور ہو گئی ہیں۔ ان کی زندگی بدلتے وقتوں کی مشکلات کا شکار ہے۔

اس وقت مسکان ملک بیمار شوہر اور خاندان کی کفالت کے لیے یہ کام کر رہی ہیں۔ وہ کہتی ہیں کہ فنکار ہونے کے باوجود مجبوریاں انہیں سڑک پر لے آئی ہیں۔

مسکان ملک کا کہنا ہے کہ کرائے کے گھر میں رہتی ہیں اور بجلی و گیس کے بل بہت زیادہ آتے ہیں، جس سے زندگی مزید مشکل ہو جاتی ہے۔

واضح رہے کہ مسکان ملک نے 13 سال کی عمر میں اداکاری شروع کی تھی اور متعدد ٹی وی ڈراموں و اسٹیج پر کام کیا ہے۔ انہیں حکومتی آرٹسٹ ویلفیئر فنڈ سے ماہانہ 10 ہزار روپے ملتے ہیں۔