کراچی: (رائیٹ ناؤ نیوز) پاکستان میں سونے کی قیمت میں مسلسل 5 روز کی کمی کے بعد آج بڑا اضافہ دیکھنے میں آیا ہے۔ آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 11 ہزار 200 روپے کا اضافہ ہوا ہے۔

مقامی بازار میں اب فی تولہ سونا 4 لاکھ 65 ہزار 236 روپے کا ہو چکا ہے۔ 10 گرام سونے کی قیمت میں 9 ہزار 602 روپے کا اضافہ ہوا، جس کے بعد اس کی قیمت 3 لاکھ 98 ہزار 864 روپے ہو گئی ہے۔

چاندی کی قیمت میں بھی 185 روپے کا اضافہ ہوا ہے، جس کے بعد چاندی کی فی تولہ قیمت 7 ہزار 440 روپے ہو گئی۔ عالمی مارکیٹ میں سونے کی قیمت 112 ڈالر اضافے کے بعد 4 ہزار 427 ڈالر ہو گئی۔

یہ اضافہ گزشتہ روز کی بڑی کمی کے بعد سامنے آیا ہے۔ عالمی مارکیٹ میں سونے کی قیمت میں کمی یا اضافہ فوری طور پر مقامی منڈیوں میں منتقل ہو جاتا ہے۔

واضح رہے کہ گزشتہ 5 روز میں فی تولہ سونے کی قیمت میں 32 ہزار 500 روپے کی کمی ہوئی تھی۔ عالمی مارکیٹ میں سونے کی قیمتوں میں کمی کی وجہ سے مقامی منڈیوں میں بھی قیمتیں نیچے آئی تھیں۔