واشنگٹن: (رائیٹ ناؤنیوز) امریکی صدر ڈونلڈ ٹرمپ نے ایران کے خلاف ایٹمی ہتھیاروں کا استعمال مکمل طور پر مسترد کر دیا ہے۔ انہوں نے صحافیوں سے گفتگو میں ایران کو فوجی طور پر شکست خوردہ قرار دیا۔

صدر ٹرمپ نے کہا کہ ایران میں ساڑھے 3 سو فیصد مہنگائی ہے اور ان کی کرنسی ختم ہو چکی ہے۔ ایران کے اکثر رہنما مارے جا چکے ہیں اور ان کی بحریہ تباہ ہو چکی ہے۔

ٹرمپ نے مزید کہا کہ ایران کے پاس کبھی ایٹمی ہتھیار نہیں ہوگا کیونکہ یہ اسرائیل کے وجود کے لیے خطرہ بن سکتا ہے۔ انہوں نے کہا کہ تہران کو ایٹمی صلاحیت حاصل کرنے کی اجازت نہیں دی جائے گی۔

صدر نے یہ بھی بتایا کہ آبنائے ہرمز میں کشیدگی کے باوجود بحری جہازوں کی آمد و رفت جاری ہے۔ ان کا کہنا تھا کہ عالمی منڈی میں تیل کی قیمتیں مستحکم ہیں۔

یاد رہے کہ امریکہ ایران پر دباؤ ڈال کر عالمی تجارتی راستوں کو محفوظ بنانے کی کوشش کر رہا ہے۔ خطے کی سلامتی کو برقرار رکھنے کے لیے یہ ضروری ہے۔