سوئٹزرلینڈ: (رائیٹ ناؤ نیوز) سوئٹزرلینڈ کے مالی یورگ ویزلی نے ایک فٹ 8.6 انچ لمبی مرچ اُگا کر گنیز ورلڈ ریکارڈ حاصل کیا ہے۔ یہ ان کا تیسرا موقع ہے جب انہوں نے دنیا کی سب سے لمبی مرچ اُگانے کا ریکارڈ قائم کیا۔

ویزلی نے پہلی بار اکتوبر 2017 میں ایک فٹ 5.7 انچ لمبی مرچ اُگا کر عالمی ریکارڈ قائم کیا تھا۔ یہ مرچ جونا میں منعقد ہونے والے سبزیوں کے مقابلے میں ناپی گئی تھی۔

اگلے سال 2018 میں ویزلی نے اپنا ہی ریکارڈ توڑتے ہوئے ایک فٹ 7.9 انچ لمبی مرچ اُگائی۔ اس بار ان کی مرچ کا ناپ 11 اگست کو لیا گیا۔

یورگ ویزلی کے مطابق وہ ہر سال مارچ میں مرچ کے بیج 28 ڈگری سینٹی گریڈ پر اگاتے ہیں۔ پھر اپریل کے آخر میں انہیں باغ میں منتقل کرتے ہیں۔

واضح رہے کہ ویزلی مٹی کو اچھی طرح تیار کرکے اس میں کمپوسٹ شامل کرتے ہیں۔ وہ متوازن کھاد اور پانی کا بھی استعمال کرتے ہیں تاکہ مرچیں بہتر پیدا ہوں۔