تہران: (رائیٹ ناؤ نیوز) ایرانی فوج نے اپنی حکمت عملی تبدیل کر کے دفاعی سے جارحانہ انداز اختیار کر لیا ہے۔ فوجی ترجمان محمد اکرمینیا کے مطابق، اردن میں امریکی اڈے پر حالیہ پیشگی حملہ اسی تبدیلی کا نتیجہ تھا۔

اکرمینیا نے بتایا کہ اس حملے کے دوران ایرانی بیلسٹک میزائل اور ڈرون استعمال کیے گئے، جس سے 3 امریکی فوجی ہلاک ہوئے۔ یہ حملہ دشمن کی مداخلت سے پہلے پیشگی کارروائی کے تحت کیا گیا۔

ایرانی حکام کا کہنا ہے کہ مستقبل میں جارحیت کا جواب زیادہ وسیع ہوگا۔ ایرانی وزارت دفاع کے مطابق، ملک کی دفاعی پیداوار میں دوگنا اضافہ ہوا ہے۔

ایران کی دفاعی صنعت کی پیداوار نہ صرف برقرار رہی بلکہ جنگی صلاحیت کو مضبوط کرنے میں مدد دی۔ حکام نے کہا کہ اب 1 ہزار جدید دفاعی نظام تیار کیے جا رہے ہیں۔

واضح رہے کہ ایرانی انقلاب 1979 سے قبل ایران میں صرف 31 دفاعی مصنوعات تیار ہوتی تھیں، لیکن اب جدید ہتھیار اور گولہ بارود کی پیداوار تین گنا بڑھ چکی ہے۔