رجب بٹ اب سوشل میڈیا سے بڑی اسکرین کی طرف بڑھ رہے ہیں، جہاں وہ اداکارہ امر خان کے ساتھ پہلی فلم میں نظر آئیں گے۔
کراچی: (رائیٹ ناؤ نیوز) معروف یوٹیوبر رجب بٹ اب فلمی دنیا میں قدم رکھنے جا رہے ہیں۔ وہ اداکارہ امر خان کے ساتھ پاکستانی فلم میں مرکزی کردار ادا کریں گے۔
رپورٹس کے مطابق رجب بٹ کی پہلی فلم کی ہدایت کاری سید فیصل بخاری کر رہے ہیں۔ فلم کی کہانی سرمد ابراہیم نے لکھی ہے۔
یہ ایکشن اور کامیڈی فلم ہے جس کی شوٹنگ شروع ہو چکی ہے۔ امر خان اس فلم میں رجب بٹ کے مدمقابل مرکزی کردار ادا کر رہی ہیں۔
رجب بٹ کے یوٹیوب پر 9 ملین سبسکرائبرز اور انسٹاگرام پر 3 ملین فالوورز ہیں۔ وہ اپنی مقبولیت کے ساتھ فلمی دنیا میں قدم رکھ رہے ہیں۔
واضح رہے کہ رجب بٹ نے سوشل میڈیا پر اپنی منفرد ویڈیوز سے شہرت حاصل کی تھی۔ ان کی کامیابی نے انہیں فلمی دنیا کی طرف مائل کیا۔
