کراچی: (رائیٹ ناؤنیوز) پاکستانی اداکار فہد مصطفیٰ ایک بار پھر دوسری شادی کی افواہوں کی زد میں آگئے۔ ان کی نئی تصاویر نے سوشل میڈیا پر بحث چھیڑ دی ہے۔

فہد مصطفیٰ نے انسٹاگرام پر فلم ‘آگ لگے بستی میں’ کی شوٹنگ کی تصاویر شیئر کیں۔ ان تصاویر میں حنا امان بھی شامل ہیں، جس سے قیاس آرائیاں شروع ہو گئیں۔

سوشل میڈیا صارفین نے فہد مصطفیٰ کی پوسٹ پر کمنٹس بند ہونے کو دونوں کے مبینہ تعلق کا اشارہ سمجھا ہے۔ اس سے متعلق قیاس آرائیاں تیز ہو گئی ہیں۔

افواہوں کا سلسلہ تقریباً ایک سال سے جاری ہے مگر دونوں نے ان خبروں کی تصدیق نہیں کی۔ سابق فوٹوگرافر عمر سعید کے دعوے بھی بے بنیاد ثابت ہوئے ہیں۔

واضح رہے کہ فہد مصطفیٰ نے ثنا فہد سے محبت کی شادی کی تھی۔ ان کے دو بچے فاطمہ اور موسیٰ ہیں۔