لاہور: (رائیٹ ناؤ نیوز) پی ٹی آئی رہنما عبداللہ طاہر کے قتل کیس میں اہم انکشافات سامنے آئے ہیں۔ پولیس نے بتایا کہ قتل میں استعمال ہونے والی موٹر سائیکل مرکزی ملزم زمان بٹ کے بھائی کے نام تھی۔

پولیس ذرائع کے مطابق، موٹر سائیکل پر جعلی نمبر پلیٹ لگائی گئی تھی۔ ملزم ارسلان دو شوٹرز کے ہمراہ سفید رنگ کی گاڑی پر لاہور پہنچا۔

ملزمان نے واردات کے بعد جعلی نمبر پلیٹ والی موٹر سائیکل چھوڑ کر گاڑی میں اسلام آباد کا سفر کیا۔ پولیس نے گاڑی کے مالک کو حراست میں لے لیا ہے۔

اس کیس کی تفتیش ایڈیشنل آئی جی سی سی ڈی کی ہدایت پر جاری ہے۔ تفتیشی ٹیم وزیرستان میں ملزمان کی تلاش میں ہے۔

یاد رہے کہ عبداللہ طاہر کو ان کے کلینک میں قتل کیا گیا تھا۔ اس کیس کی تفتیش میں پولیس کی متعدد ٹیمیں شامل ہیں۔