ممبئی: (رائیٹ ناؤنیوز) بھارتی گلوکار سونو نگم نے سرجری کے دوران اسپتال میں گانا گا کر سب کو حیران کر دیا۔ ان کی گائیکی کی ویڈیو سوشل میڈیا پر تیزی سے وائرل ہوئی اور مداحوں نے بھرپور داد دی۔

سونو نگم نے انسٹاگرام پر ویڈیو شیئر کی جس میں وہ اسپتال کے بستر پر لیٹے ہوئے تھے۔ طبی عملہ ان کی سرجری میں مصروف تھا اور انہوں نے اچانک گانا گا کر سب کو محظوظ کیا۔

انہوں نے 1949 کی فلم ‘دلاری’ کا نغمہ ‘سہانی رات ڈھل چکی’ گایا، جو محمد رفیع نے گایا تھا۔ یہ لمحہ مداحوں کے لیے یادگار بن گیا۔

مداحوں نے سوشل میڈیا پر سونو نگم کے حوصلے کی تعریف کی اور ان کی صحت یابی کے لیے دعائیں کیں۔ ویڈیو پر صارفین نے مثبت تبصرے کیے۔

واضح رہے کہ سونو نگم نے جون میں بتایا تھا کہ وہ اعصابی نظام کے مسئلے سے متاثر ہیں، جس کی وجہ سے انہیں سرجری کرانی پڑی۔