12 اگست کی رات فلکیاتی مظاہر کا شاندار مشاہدہ، چھ سیارے، نیا چاند، سورج گرہن اور شہاب بارش ایک ساتھ نظر آئیں گے۔
اسلام آباد: (رائیٹ ناؤ نیوز) 12 اگست کی رات فلکیاتی سائنس کے شوقین افراد کے لیے خاص ہوگی، جب چار اہم فلکیاتی مظاہر ایک ساتھ رونما ہوں گے۔ ان مظاہر میں چھ سیاروں کی قطار، نیا چاند، سورج گرہن اور شہاب ثاقب کی بارش شامل ہیں۔
چھ سیارے ایک خاص ترتیب میں آسمان پر نظر آئیں گے، جن میں مشتری، عطارد، مریخ، زحل، یورینس اور نیپچون شامل ہیں۔ کچھ سیارے عام آنکھ سے دیکھے جا سکتے ہیں، جبکہ دیگر کے لیے دوربین کی ضرورت ہوگی۔
نیا چاند آسمان کو تاریک کر دے گا، جس سے فلکیاتی مشاہدہ آسان ہو جائے گا۔ اس کے علاوہ، سورج گرہن بھی رونما ہوگا جو شمالی روس، گرین لینڈ اور دیگر مقامات پر نظر آئے گا۔
پرسیڈز شہابی بارش کا عروج 12 اور 13 اگست کی درمیانی رات ہوگا۔ یہ بارش سویفٹ ٹٹل دمدار ستارے کے ذرات سے پیدا ہوتی ہے، جو آسمان پر روشن لکیریں بناتی ہیں۔
یاد رہے کہ ان مظاہر کا مشاہدہ مخصوص جغرافیائی علاقوں اور موسمی حالات پر منحصر ہوگا، اور تمام مظاہر ایک ہی جگہ سے نہیں دیکھے جا سکتے۔
