سان فرانسسکو: (رائیٹ ناؤ نیوز) اوپن اے آئی چیٹ جی پی ٹی میں ایک نئے فیچر پر کام کر رہا ہے۔ اس فیچر کے ذریعے صارفین اپنی مرضی کے اسٹیکرز بنا کر واٹس ایپ پر شامل کر سکیں گے۔

یہ فیچر ابھی تیاری کے مراحل میں ہے اور باقاعدہ جاری نہیں ہوا۔ یہ چیٹ جی پی ٹی کی اینڈرائیڈ ایپ کے تازہ ترین ورژن کے اے پی کے تجزیے کے دوران سامنے آیا ہے۔

فیچر میں اسٹیکرز بنانے، ڈاؤن لوڈ کرنے اور دیگر میسجنگ ایپس میں شامل کرنے کے آپشنز شامل ہوں گے۔ خاص طور پر ‘ایڈ ٹو واٹس ایپ’ کے نام سے ایک آپشن دستیاب ہوگا۔

اس فیچر کے ذریعہ صارفین کو الگ اسٹیکر ایپس کی ضرورت نہیں ہوگی اور واٹس ایپ پر اسٹیکرز شامل کرنا آسان ہو جائے گا۔ یہ تبدیلی صارفین کے لیے مفید ہو سکتی ہے۔

واضح رہے کہ واٹس ایپ پر اسٹیکر پیک شامل کرنے کے لیے کم از کم تین اسٹیکرز درکار ہو سکتے ہیں، جو واٹس ایپ کی اپنی پالیسی کا حصہ ہے۔