میڈیرا: (رائیٹ ناؤ نیوز) پرتگالی فٹبالر کرسٹیانو رونالڈو کی شادی کی افواہ پر ہزاروں مداح فنچل کیتھیڈرل کے باہر جمع ہوگئے۔ مداحوں نے کئی گھنٹے انتظار کیا، لیکن شادی رونالڈو کی نہیں بلکہ پرتگالی جوڑے فابیو راموس اور فاطمہ نکول کونہا ٹیکسیرا کی تھی۔

رونالڈو اور جارجینا روڈریگز کی شادی کی خبریں سوشل میڈیا پر گردش کر رہی تھیں، لیکن کوئی باضابطہ تصدیق نہیں ہوئی۔ مداح اپنے پسندیدہ فٹبالر کو دولہا دیکھنے کے لیے چرچ پہنچے تھے۔

نوبیاہتا جوڑے اور مہمانوں نے ہجوم کو حیرانی سے دیکھا۔ یہ افراد سمجھتے تھے کہ وہ رونالڈو کی شادی میں شریک ہیں۔

واضح رہے کہ رونالڈو کی بہن ایلما ایویرو نے سوال اٹھایا کہ اعلان کے بغیر مداحوں نے افواہ پر یقین کیوں کیا۔

یاد رہے کہ برطانوی اور پرتگالی میڈیا اب بھی مانتے ہیں کہ فنچل کیتھیڈرل رونالڈو کی ممکنہ شادی کا مقام ہوسکتا ہے۔