غزہ: (رائیٹ ناؤ نیوز) اسرائیلی فوجیوں میں پوسٹ ٹرامیٹک اسٹریس ڈس آرڈر (PTSD) کے کیسز بڑھنے لگے ہیں۔ اسرائیل کی ایک سابق خاتون فوجی اہلکار نے انکشاف کیا ہے کہ ان کو بتایا گیا تھا کہ وہ صرف دہشت گردوں کو نشانہ بنا رہے ہیں، لیکن یہ حقیقت نہیں تھی۔

انہوں نے کہا کہ غزہ میں شہری زندگی چاہتے ہیں اور امن کی خواہش رکھتے ہیں۔ فوج چھوڑنے کے بعد انہیں معلوم ہوا کہ کتنے فلسطینی بچے مارے گئے تھے، جو ان کے لیے صدمے کا باعث بنا۔

سابق فوجی نے کہا کہ بچوں کی ہلاکت کے مناظر اور ماؤں کے رونے کی آوازیں ان کے ذہن میں موجود ہیں، اور یہ احساس جرم انہیں نہیں چھوڑتا۔

اس واقعے نے دنیا بھر میں اسرائیلی فوج کے اقدامات پر سوالات کھڑے کر دیے ہیں۔ انسانی حقوق کی تنظیمیں اس معاملے پر تحقیقات کا مطالبہ کر رہی ہیں۔

واضح رہے کہ غزہ میں اسرائیلی حملوں کے دوران متعدد فلسطینی بچے ہلاک ہو چکے ہیں، جس پر عالمی سطح پر تشویش پائی جاتی ہے۔