واشنگٹن: (رائیٹ ناؤ نیوز) امریکی وزیر خزانہ سکاٹ بیسنٹ نے اعلان کیا ہے کہ ٹرمپ انتظامیہ ایران کو سہارا دینے والے تمام معاشی ذرائع ختم کر رہی ہے۔ اس اعلان سے ایران کی معاشی مشکلات مزید بڑھ سکتی ہیں۔

ایرانی صدر نے ملک میں معاشی مشکلات کا اعتراف کرتے ہوئے کہا ہے کہ جنگ کسی نہ کسی مرحلے پر ختم ہونی چاہئے۔ قالیباف نے بھی کہا کہ فوجی طاقت کتنی ہی ہو، عوام بھوکے ہوں تو ملک نہیں رہ سکے گا۔

سکاٹ بیسنٹ نے کہا کہ قالیباف کا یہ بھی کہنا ہے کہ اگر معاشی ترقی اور ملکی پیداوار نہ ہو تو ملک قائم نہیں رہ سکے گا۔ ٹرمپ انتظامیہ ایران کو سہارا دینے والے تمام معاشی ذرائع ختم کرتی رہے گی۔

انہوں نے مزید کہا کہ ایران کے مکمل طور پر تنہا رہنے تک معاشی ذرائع ختم کیے جاتے رہیں گے۔ یہ اقدامات ایران کی عالمی سطح پر تنہائی کو بڑھا سکتے ہیں۔

واضح رہے کہ ایران پر پہلے ہی متعدد عالمی پابندیاں لگائی جا چکی ہیں، جس کے باعث ملک کی معیشت پر شدید اثرات مرتب ہو رہے ہیں۔