مظفر آباد: (رائیٹ ناؤ نیوز) 5 اگست کو یوم استحصال کشمیر کے موقع پر آئی ایس پی آر نے نیا نغمہ ‘آزادی’ جاری کیا ہے۔ یہ نغمہ واجد سعید کی آواز میں ہے اور کشمیری عوام کے جذبات کی عکاسی کرتا ہے۔

نغمے کے بول ‘تمہارے ساتھ تھے اور ساتھ ہم رہیں گے’ کشمیریوں کی پاکستان سے وابستگی کو ظاہر کرتے ہیں۔ اس نغمے میں امید، استقامت اور عزم کی جھلک نمایاں ہے۔

یہ نغمہ اہل کشمیر کی ثابت قدمی اور حق کیلئے جدوجہد کو خراج تحسین پیش کرتا ہے۔ نغمے میں بھارتی مظالم اور کشمیریوں کی قربانیوں کو اجاگر کیا گیا ہے۔

یہ نغمہ جنت نظیر وادی کشمیر میں بھارتی مظالم کو بھی نمایاں کرتا ہے۔ پاکستان ہمیشہ کشمیریوں کے حق خود ارادیت کے لئے ساتھ کھڑا رہے گا۔

یاد رہے کہ 5 اگست کو بھارت نے مقبوضہ کشمیر کی خصوصی حیثیت ختم کی تھی، جس کے بعد یہ دن یوم استحصال کے طور پر منایا جاتا ہے۔