تہران: (رائیٹ ناؤ نیوز) ایران نے اسرائیل کے لیے جاسوسی کرنے کے الزام میں دو افراد کو پھانسی دے دی ہے۔ ان افراد پر حساس فوجی معلومات فراہم کرنے کا الزام تھا۔

عدالتی خبر رساں ادارے میزان کے مطابق پھانسی پانے والے افراد کی شناخت امید بہزاد اور پوریا صفوت کے ناموں سے کی گئی ہے۔ ان پر اسرائیل کو فوجی مراکز کی معلومات دینے کا الزام تھا۔

دونوں افراد نے مبینہ طور پر فروری میں شروع ہونے والی جنگ کے دوران اسرائیل کو اہم معلومات فراہم کیں۔ ان معلومات کی بنیاد پر ایرانی مراکز کو نشانہ بنایا گیا۔

خبر رساں ادارے رائٹرز کے مطابق اسرائیلی حکمت عملی سے آگاہ ایک ذریعے نے بتایا کہ امریکا اور اسرائیل نے جنگ میں ان معلومات کا استعمال کیا۔

یاد رہے کہ ایرانی حکام نے ان افراد کے خلاف عدالتی کارروائی کی مزید تفصیلات جاری نہیں کیں اور اسرائیل کی جانب سے بھی کوئی ردعمل نہیں آیا۔