ریو ڈی جنیرو: (رائیٹ ناؤنیوز) ارجنٹائن کے لیجنڈ فٹبالر ڈیاگو میراڈونا کی مشہور ‘ہینڈ آف گاڈ’ گول میں استعمال ہونے والی گیند 94 کروڑ پاکستانی روپے میں نیلام ہوگئی ہے۔ یہ نیلامی امریکی ادارے ہیریٹیج آکشنز میں ہوئی۔

یہ تاریخی لمحہ 1986ء کے ورلڈ کپ کے کوارٹر فائنل میں ارجنٹائن اور انگلینڈ کے درمیان پیش آیا تھا۔ میراڈونا نے ہاتھ سے گیند گول میں پہنچائی تھی۔ اس میچ میں میراڈونا نے ‘گول آف دی سنچری’ بھی کیا تھا۔

نیلامی میں گیند کی قیمت 3.3 ملین ڈالر لگی جو پاکستانی روپوں میں 94 کروڑ سے زائد بنتی ہے۔ ریفری علی بن ناصر نے گیند کو کئی دہائیوں تک محفوظ رکھا تھا۔

یہ نیلامی فٹبال کی تاریخ کا ایک اہم لمحہ ہے کیونکہ یہ میچ اور گول کھیل کے شائقین کے لیے یادگار ہیں۔ میراڈونا کے اس گول نے فٹبال کی دنیا میں نئی تاریخ رقم کی تھی۔

واضح رہے کہ 1986ء کے ورلڈ کپ میں یہ گول میراڈونا کا ایک اہم کارنامہ تھا جو آج بھی فٹبال شائقین کے ذہنوں میں تازہ ہے۔