مریم صدیق نے اے سی سی اے کے 17 پرچے پاس کر کے بھارت کا ریکارڈ توڑ دیا، جو پاکستان کے لئے فخر کی بات ہے۔
کراچی: (رائیٹ ناؤ نیوز) کراچی کی مریم صدیق نے بھارت کا سابقہ عالمی ریکارڈ توڑ کر پاکستان کے لئے نیا اعزاز حاصل کر لیا ہے۔
مریم نے ڈیڑھ سال میں اے سی سی اے کے 17 پرچے کامیابی سے پاس کر کے دنیا کی کم عمر ترین امیدوار بننے کا اعزاز پایا۔
اس کامیابی کے ساتھ مریم نے عالمی ریکارڈ اپنے نام کیا، جو پہلے بھارت کے امیدوار کے پاس تھا۔
مریم کی اس کامیابی پر تعلیمی حلقوں اور عوام نے خوشی کا اظہار کیا اور اسے فخر کا باعث قرار دیا۔
یاد رہے کہ اے سی سی اے ایک عالمی سطح پر تسلیم شدہ اکاؤنٹنگ کوالیفیکیشن ہے، جس کی کامیابی سے تکمیل مشکل سمجھی جاتی ہے۔
