لاہور: (رائیٹ ناؤ نیوز) وزیراعلیٰ پنجاب مریم نواز نے صوبے میں صاف پانی کی فراہمی کے لیے 5 روزہ پلان طلب کیا ہے۔ انہوں نے پنجاب صاف پانی اتھارٹی کے اجلاس کی صدارت کرتے ہوئے یہ ہدایت جاری کی۔

اجلاس میں فیصلہ کیا گیا کہ اتھارٹی کو جدید بنانے کے لیے تکنیکی اور انتظامی اختیارات دیے جائیں۔ جدید ٹیکنالوجی، ہیومن ریسورس اور ٹرانسپورٹ فراہم کی جائے گی۔

اتھارٹی کے ٹرکوں اور پلانٹس کی مانیٹرنگ کی جائے گی۔ فلٹریشن پلانٹس پر معلومات درج ہوں گی۔ جاپانی اور چینی ٹیکنالوجی متعارف کرائی جائے گی۔

پنجاب بھر میں شہریوں کو صاف پانی کی فراہمی کے لیے اقدامات تیز کرنے کا حکم دیا گیا ہے۔ موبائل بوٹلنگ پلانٹس کے ذریعے دور دراز علاقوں میں پانی پہنچایا جا رہا ہے۔

واضح رہے کہ مریم نواز نے کہا کہ صاف پانی منصوبہ ان کے دل کے قریب ہے۔ سستی یا غفلت برداشت نہیں کی جائے گی۔ ترقیاتی منصوبوں کے ساتھ یہ سب سے اہم ترجیح ہے۔