بیجنگ: (رائیٹ ناؤنیوز) چین نے غیر ملکی مسافروں کے لیے ویزا فری انٹری کی پالیسی کی توسیع کر دی ہے۔ اس اقدام کا مقصد بین الاقوامی مسافروں کے لیے چین کی رسائی کو مزید آسان بنانا ہے۔

چینی وزارتِ پبلک سیکیورٹی کے مطابق نئے اقدامات میں بارڈر کنٹرول کی ڈیجیٹل سہولیات بھی شامل ہوں گی۔ حکام کا کہنا ہے کہ ویزا فری ٹرانزٹ کے قوانین کو بہتر بنانے پر کام جاری ہے۔

چین کی حکومت نے اعلان کیا ہے کہ ڈیجیٹل سفری دستاویزات کے استعمال کو فروغ دیا جائے گا۔ اسمارٹ بارڈر چینلز کے ذریعے مسافروں کو کاغذی کارروائی کے بغیر تیزی سے انٹری دی جائے گی۔

چینی حکومت کا ارادہ ہے کہ تمام امیگریشن خدمات کو آن لائن منتقل کیا جائے۔ اس سے درخواست دینے کا عمل تیز اور آسان ہو جائے گا۔

یاد رہے کہ چین پہلے ہی 50 ممالک کے شہریوں کو ویزا فری انٹری کی سہولت دے رہا ہے۔ مزید ممالک کو شامل کرنے کا اعلان بین الاقوامی رابطوں کو بڑھانے کے سلسلے کی ایک کڑی ہے۔