لاس اینجلس: (رائیٹ ناؤنیوز) 2026 کے پہلے نصف میں نیٹ فلکس نے اپنی تازہ ترین ویورشپ رپورٹ جاری کی ہے۔ اس رپورٹ کے مطابق دنیا بھر کے صارفین نے مجموعی طور پر 97 ارب گھنٹے نیٹ فلکس کا مواد دیکھا۔

نفسیاتی تھرلر ‘His & Hers’ کو سب سے زیادہ 104 ملین ویوز ملے ہیں۔ اس سیریز میں ٹیسا تھامسن اور جان برنتھل نے مرکزی کردار ادا کیا ہے، جہاں ایک قتل کی تفتیش سابق میاں بیوی کو دوبارہ آمنے سامنے لے آتی ہے۔

دوسری جانب رومانوی ڈرامہ ‘Bridgerton’ کا چوتھا سیزن 100.2 ملین ویوز کے ساتھ دوسرے نمبر پر رہا۔ سام ورتھنگٹن کی تھرلر ‘I Will Find You’ نے 63.9 ملین ویوز کے ساتھ تیسری پوزیشن حاصل کی۔

مقبول سائنس فکشن سیریز ‘Stranger Things’ کا پانچواں اور آخری سیزن 55.6 ملین ویوز کے ساتھ چوتھے نمبر پر رہا۔ تھرلر ‘Run Away’ نے 50.3 ملین ویوز کے ساتھ پانچویں پوزیشن حاصل کی۔

واضح رہے کہ نیٹ فلکس کی رپورٹ کے مطابق 2026 میں بھی سنسنی خیز تھرلرز، رومانوی کہانیاں اور سائنس فکشن سیریز ناظرین کی اولین پسند رہی ہیں۔