اسلام آباد: (رائیٹ ناؤ نیوز) امریکا میں اعلیٰ تعلیم حاصل کرنے کے خواہشمند پاکستانی طلبہ کے لیے خوشخبری ہے۔ فل برائٹ اسکالرشپ پروگرام کے تحت 85 پاکستانی امیدواروں کا انتخاب کر لیا گیا ہے۔

امریکا کی یونیورسٹیز میں ماسٹرز، پی ایچ ڈی اور تدریسی پروگراموں میں شرکت کے لیے یہ اسکالرشپس دی گئی ہیں۔ 71 ماسٹرز، 14 پی ایچ ڈی اور 6 ٹیچنگ اسسٹنٹ کے لیے منتخب ہوئے ہیں۔

امریکی تعلیمی فاؤنڈیشن پاکستان نے بتایا ہے کہ منتخب طلبہ عالمی معیار کی تعلیم حاصل کریں گے۔ انہیں تحقیق اور بین الاقوامی تعلیمی ماحول سے بھرپور فائدہ حاصل ہوگا۔

یہ موقع پاکستانی طلبہ کے تعلیمی مستقبل میں اہم کردار ادا کرے گا۔ بین الاقوامی تعلیم سے پاکستانی طلبہ کو عالمی سطح پر مواقع ملیں گے۔

یاد رہے کہ فل برائٹ پروگرام امریکا اور پاکستان کے درمیان تعلیمی تعاون کا اہم منصوبہ ہے۔ 2005 سے 3 ہزار سے زائد طلبہ نے اس سے فائدہ اٹھایا ہے۔