انقرہ: (رائیٹ ناؤ نیوز) امریکی صدر ڈونلڈ ٹرمپ کی ایران مخالف گفتگو کے دوران زبانی لغزش ہوئی۔ وہ ایران کی جگہ ‘اسلامی جمہوریہ جاپان’ کہہ بیٹھے۔ ان کی یہ غلطی سوشل میڈیا پر وائرل ہوگئی۔

ترکیے کے دارالحکومت میں نیٹو اجلاس کے دوران یوکرینی صدر زیلنسکی سے ملاقات میں ٹرمپ نے کہا کہ جاپان نے یو ایس ایس ابراہم لنکن پر 111 میزائل داغے۔ ان میزائلوں کو روک لیا گیا۔

سوشل میڈیا پر صارفین نے نشاندہی کی کہ ٹرمپ نے ایران اور جاپان کو ملا دیا۔ یہ بیان ایران کے ساتھ کشیدگی کے دوران سامنے آیا ہے۔

ٹرمپ نے کہا کہ ایران سے خوش نہیں ہیں، ایران نے کل جہازوں پر حملہ کیا۔ انہوں نے ایران کو کینسر سے تشبیہ دی اور کہا کہ اس سے نجات پانا ہوگی۔

یاد رہے کہ امریکا نے ایران پر آبنائے ہرمز میں جہازوں کو نشانہ بنانے کا الزام لگایا اور تیل کی فروخت پر پابندی عائد کر دی ہے۔