اسلام آباد: (رائیٹ ناؤ نیوز) ہڈیوں کی کمزوری کا شکار کسی بھی عمر میں ہو سکتا ہے۔ وٹامنز کی کمی یا طرز زندگی کے انتخاب ہڈیوں کی کمزوری کا سبب بن سکتے ہیں۔

ماہرین کا کہنا ہے کہ عمر بڑھنے کے ساتھ ہڈیوں کا حجم گھٹنے لگتا ہے، خاص طور پر خواتین میں یہ عام مسئلہ ہوتا ہے۔ ہڈیوں کی کثافت گھٹ جاتی ہے، ہر 2 میں سے ایک خاتون متاثر ہوتی ہیں۔

حکام کے مطابق نمک کا زیادہ استعمال ہڈیوں کو کمزور بنا سکتا ہے۔ جسم میں نمک کی زیادتی سے کیلشیئم کی کمی ہو جاتی ہے، جس سے ہڈیاں بھربھری ہو جاتی ہیں۔

ہڈیوں کو مضبوط رکھنے کے لیے جسمانی سرگرمیاں ضروری ہیں۔ ورزش، چہل قدمی اور وزن اٹھانے والی ورزشیں ہڈیوں کی کثافت میں اضافہ کرتی ہیں۔

یاد رہے کہ وٹامن ڈی کا استعمال ہڈیوں کی صحت کے لیے اہم ہے۔ سورج کی روشنی، مچھلی، دودھ اور انڈے وٹامن ڈی کے اچھے ذرائع ہیں۔